ضلع غذر(گلگت)کی وادی گوپس میں پی ایس این پی کا نمائشی منصوبہ model project شروع کیا گیا تھا۔ جس کا مقصد تازہ پانی میں ٹراؤٹ مچھلی کی پائیدار ماہی گیری کےذریعےمقامی باشندوں کی غربت میں کمی لانا تھا۔
منصوبےکےتحت علاقےمیں ماحولیاتی سیاحت کےفروغ کےلیےبھی اقدامات کیےگئے۔ ان میں سےایک مچھلی کے شوقیہ شکاریوں کےمابین مچھلی پکڑنےکا مقابلہ منعقد کروانا تھا۔ پہلا مقابلہ ستمبر، 2006ءمیں منعقد کیا گیا۔گزشتہ سال مقابلےکےکامیاب انعقاد کےبعد چیف سیکریٹری شمالی علاقہ جات کی ہدایات پر اس سال یہ مقابلہ دوبارہ منعقد کیا گیا۔ اب اس مقابلےکی مضبوط بنیاد پڑ چکی ہےاور آئندہ آنےوالےسالوں میں بھی یہ مقابلہ جاررہےگا ۔

یہ مقابلہ شمالی علاقہ جات کی انتظامیہ، آئی یو سی این، آغا خان رورل سپورٹ پروگرام اور مقامی باشندوں کی تنظیم کھلتی سوشل ڈویلپمنٹ آرگنائزیشن کےباہمی اشتراک سےمنعقد ہوا۔ اس مقابلےکوSpring Blossom Fishing Competition کا نام دیا گیا تھا۔مقابلےکےانعقاد کےبنیادی مقاصد درج ذیل ہیں۔
- آبی وسائل کےپائیدار استعمال کےبارےمیں شعور کا فروغ۔
-ماحول دوست تفریح اور ماحول دوست سیاحت کو فروغ دینا۔
-اس طرح کےاقدامات سےمقامی باشندوں کےلیےروزگار کےمواقع پیدا کرکےغربت میں کمی لانا اور بیروزگاری کا خاتمہ۔
-پائیدار ماہی گیری کےلیےمخصوص علاقےکی تشکیل۔
مقابلےکےمہمانِ خصوصی شمالی علاقہ جات کےمشیر برائےاطلاعات، خوراک، زراعت و گلّہ بانی کیپٹن (ریٹائرڈ) سکندر علی تھے۔ مقابلےمیں شریک مقامی باشندےنےآٹھ سو گرام کی ٹراؤٹ مچھلی پکڑ کر نقد انعام اور ٹرافی حاصل کی۔ مقابلےمیں ایک خاتون نےبھی شرکت کی جنہیں حوصلہ افزائی کا خصوصی انعام دیا گیا۔ مقابلےمیں دو ہزار سےزائد افراد نےشرکت کی جن میں بچےاور خواتین کی بھی بڑی تعداد شامل تھی۔ مقابلےمیں حصہ لینےوالوں میں سےاکثریت کا تعلق شمالی علاقہ جات کےمختلف علاقوں سےتھا۔

وفاقی حکومت نے’پاکستان وژن 2030ء‘ پروگرام کےتحت وسط مدتی ترقیاتی خاکے2005-2010 ءمیں وفاق کےزیرِ انتظام علاقےفاٹا FATA کو ملک کےدیگر حصوں کی طرح ترقی دینےکا فیصلہ کیا۔
اس ضمن میں وفاقی حکومت نےفاٹاکےسول سیکریٹریٹ کو ہدایت کی کہ علاقےکی سماجی اور اقتصادی ترقی کےلیےایسے طویل المعیاد ترقیاتی منصوبوں بنائےجائیں، جن سے قبائلی علاقےکےباشندوں کےحقیقی مسائل نہ صرف حل ہوسکیں بلکہ ان کی پسماندگی کا خاتمہ کےساتھ اقتصادی حالات پر بھی مثبت اثرات مرتب ہوں، تاکہ مقامی سماجی حالات میں بہتری آسکے۔

اس تناظر میں سول سیکریٹریٹ، فاٹا نےآئی یو سی این ، سرحد پروگرام آفس سےدرخواست کی کہ فاٹا کےلیےطویل المعیاد ترقیاتی منصوبوں کی منصوبہ بندی کےلیےانہیں تکنیکی تعاون فراہم کیا جائے۔ یاد رہےکہ آئی یو سی این، سرحد پروگرام گزشتہ14برسوں سےصوبہ سرحد میں بقائےماحول و پائیدار معاش کی حوالےسےمختلف منصوبوں میں شامل ہے۔

اس پس منظر میں آئی یو سی این، سرحد پروگرام آفس اور فاٹا سول سیکریٹریٹ نےاشتراک کےذریعےدیگر اداروں مثلاً یونائٹیڈ اسٹیٹ ایجنسی فار ڈویلپمنٹ، ڈپارٹمنٹ فار انٹرنیشنل ڈویلپمنٹ یوکے، انٹرنیشنل میڈیکل کور اور صوبہ سرحد کےمیڈیم انٹرپرائزز ڈویلپمنٹ ایجنسی کےساتھ مل کر فاٹا کی پائیدار ترقی کےلیےنو سالہ پروگرام مرتب کیا۔ جسے’فاٹا سسٹین ایبل ڈویلپمنٹ پلان‘ کا نام دیا گیا ہے۔ انگریزی میں اسےمختصراًSDP کہا جاتا ہے۔

اس منصوبےکےتحت مختلف شعبوں مثلاً قدرتی وسائل کا انتظام، صحت، تعلیم اور بالخصوص اس قبائلی علاقےکی اقتصادی پسماندگی دور کرنےجیسےاہم معاملات پر توجہ مرکوز کی گئی۔نیز اختراعی نوعیت کےنمائشی منصوبوں کےذریعےبہتری لانےپر خصوصی توجہ دی گئی ۔

گورنر صوبہ سرحد نےرسمی طور پرمنصوبےکی منظوری دےدی ہے۔ اس منصوبےپر لاگت کا تخمینہ120ارب روپےلگایا گیا ہی، جس میں سی60ارب روپےحکومتِ پاکستان جبکہ بقایا رقم ترقیاتی شعبےمیں مالی تعاون فراہم کرنےوالےادارے(ڈونر) فراہم کریں گے۔ نو سالہ منصوبےکےپہلےپانچ سال ’عملی ترقیاتی مرحلہ‘ ہے۔ آئندہ کےچار سال ان عملی ترقیاتی اقدامات کو باہم مربوط کرنا ہےتاکہ ان کی پائیداری کو یقینی بنایا جاسکے۔ اس ضمن میں پاکستان ڈویلپمنٹ فورم 2007ءکےاجلاس کےموقع پرگورنر صوبہ سرحد نےفاٹا کےلیےاس ترقیاتی منصوبےکو امدادی اداروں کےنمائندوں کو بھی پیش کردیا ہےتاکہ ترقیاتی عمل کےلیےدرکار بقایا رقم کےحصول کےلیےاُن کی مدد حاصل کی جاسکے