’دنیا میں پائےجانےوالےبرفانی ریچھوں کی دو تہائی تعداد رواں صدی کےنصف تک کرئہ ارض سےختم ہوسکتی ہے۔ اگربرف پگھلنےکی بڑھتی ہوئی موجودہ شرح برقرار رہتی ہےاور اس حوالےسےماہرینِ ماحولیات کی پیشگویاں درست ثابت ہوتی ہیں توپھر برفانی ریچھوں کا مستقبل خطرےمیں ہے۔‘ یہ بات امریکی ارضیاتی ادارے’یو ایس جیولوجیکل سروی‘ نےاپنی حالیہ رپورٹ میں بتائی ہے۔

رپورٹ میں کہا گیا ہےکہ’ قطب شمالی کےبرفانی ریچھوں کا مستقبل تاریک نظر آتا ہےکیوں کہ سائنسی تجزیوں کےمطابق برف کےذخائر تیزی سےپگھل رہےہیں۔ خیال یہی ہےکہ یہ کرئہ ارض کےگرم ہوتےہوئےدرجئہ حرارت کا شاخسانہ ہے، جس کی قیمت کا ایک حصہ برفانی ریچھوں کو اپنی آبادی میں واضح کمی کی صورت میں بھی ادا کرنا پڑسکتا ہے۔‘
’یو ایس نیشنل سِنو اینڈ آئس ڈیٹا سینٹر‘ نےسروےرپورٹ میں اعداد و شمار کےحوالےسےبتایا ہےکہ قطب شمالی میں، الاسکا کےشمالی ساحل اور روس سےمنسلک علاقوں میں سمندری برف تیزی سےپگھل رہی ہے۔ جس کےباعث خدشہ ہےکہ اکیسویں صدی کےنصف تک یہاں موجود برفانی ریچھوں کی نصف تعداد ،جو کہ سولہ ہزار کےلگ بھگ بنتی ہے، مسکنوں کی تباہی کےسبب ختم ہوسکتی ہے۔‘

ادارےسےوابستہ ماہرِ ماحولیات امسٹرپ کا کہنا ہےکہ ’اس کےبعد بھی برفانی ریچھ بقا کی جنگ جاری رکھ سکتےہیں، لیکن خدشہ ہےکہ اس صدی کےاختتام تک ان کا باقی رہنا محال ہوسکتا ہے۔ اس کےباوجود امکان ہےکینیڈین قطب شمالی کےجزائر اور گرین لینڈ کےمغربی ساحل پر شاید یہ پائےجاسکیں۔‘

بقا کو لاحق خطرات سے دوچار نسل کےچار پہاڑی گوریلےجمہوریہ کانگو کےایک نیشنل پارک میں مردہ پائےگئےہیں۔ مرنےوالوں میں تین مادہ اور سفید پشت والا ایک نر پہاڑی گوریلاشامل ہے۔ اس بات کا انکشاف اس سال جولائی کےآخر میں نیشنل پارک کا دورہ کرنےوالےجنگلی حیات کے ماہرین کےایک گروہ نےکیا۔

’انٹرنیشنل گوریلا کنزرویشن پروگرام‘ کےترجمان کا کہنا ہےکہ ’مارےگئےگوریلاؤں کی لاشیں ویرونگا نیشنل پارک کےاندر پائی گئی ہیں۔ مرنےوالےگوریلاؤں کےجسم پر گولیوں کےنشان تھے، تاہم یہ معلوم نہیں ہوسکا کہ انہیں کس مقصد کےتحت ہلاک کیا گیا ہے۔ ‘واضح رہےکہ بقائےماحول کی عالمی انجمن آئی یوسی این نےستمبر2007ءمیں جاری کردہ ’ریڈ لسٹ‘ میں بقا کو لاحق سنگین خطرات سےدوچار جنگلی حیات میں گوریلاؤں کوبھی شامل کیا ہے۔

ترجمان مزید کہنا تھا کہ ’ اس وقت یہاں سات سو سےزائد پہاڑی گوریلےموجود ہیں، تاہم رواں سال کےسات مہینوں میں مجموعی طور پر سات گوریلاؤں کو ہلاک کیا جاچکا ہے۔‘

یادرہےکہ جمہوریہ کانگو کا ویرونگا نیشنل پارک ایک ایسےعلاقےمیں واقع ہےجس کی سرحدیں ان علاقوں سےملتی ہیں جو جنگجو باغیوں کےزیرِ اثر سمجھا جاتا ہے۔

جاپان میںبقائےجنگلی حیات سےوابستہ ماہرین نےخبردار کیا ہےکہ گاڑیوں کی بڑھتی ہوئی تعداد، شور، تعمیرات، ہوٹل اور دیگر انسانی سرگرمیوں کےسبب جنگلی حیات کےقدرتی مسکنوں میں ہونےوالی تباہی سےجاپان میں پائی جانےوالی دنیا کی نایاب جنگلی بلی معدومی کی جانب بڑھ رہی ہے۔

یہ بات حال ہی میں جاپان کی وزارتِ ماحولیات کی جاری کردہ ایک دستاویز میں کہی گئی ہی۔ یہ دستاویز ملکی سطح پرمعدومی کےخطرےسےدوچار جنگلی حیات کا احاطہ کرتی ہے، جسے’سرکاری سرخ فہرست‘ کا نام دیا گیاہے۔ سرخ فہرست میں Iriomate cat کے اسٹیٹس کی از سرِ نو درجہ بندی کرتےہوئےاسے’بقا کو لاحق سنگین خطرات سےدوچار‘ انواع کےدرجےمیں شامل کیا گیا ہے۔

اوسطاً ایک پالتو بلی کےجسامت سےبڑی اور بڑےبڑےبالوں والی نایاب نسل کی یہ بلی جاپان سےتائیوان تک پھیلےہوئےمرطوب پہاڑی جزائر میں صرف ’آئےریو موتےجیما‘ کےعلاقےمیںپائی جاتی ہی۔اس بنا پر اسی’ آئےریو موتےبلی‘ کہا جاتا ہی۔ تاہم مذکورہ بالا بیان کردہ وجوہات کےسبب اب اس کی تعداد میں تیز رفتار کمی ریکارڈ کی گئی ہے۔
بلی کی یہ منفرد نوع1967ءمیں دریافت کی گئی تھی، تاہم اس وقت سےہی اس کی نسل کو بقا کو لاحق خطرات سےدوچار خیال کیا جاتا رہا ہی۔1985ءاور1994ءمیں کیےگئےدو علیحدہ علیحدہ سروےکےنتائج میں بھی یہ بات سامنےآئی تھی کہ بلی کےخاندان سےتعلق رکھنےوالی اور دنیا بھر میں اپنی قسم کی یہ منفرد جنگلی نوع تعداد میں بہت ہی کم ہے۔ 1994ءمیں کیےگئےسروےکےمطابق ان کی تعداد صرف ایک سو کےقریب تھی۔ اب ماہرین نےخبردار کیا ہےکہ ترقی کےنام پر انسانی سرگرمیوں اور آبادی کےپھیلاؤ کےسبب اس نایاب بلی کےقدرتی مسکنوں میں بڑےپیمانےپر خلل پیدا ہورہا ہے، جس کی وجہ سے جنگلی حیات کی اس نایاب نسل کو معدومی کےخطرےکا سامنا ہے۔

ماہرین نےدستاویز میں خیال ظاہر کیا ہےکہ یہ بلی اُس وقت اپنےموجودہ مسکن پر پہنچی جب تقریباً دو لاکھ سال پہلے’آئےریو موتےجیما‘ جزیرہ، ارضیاتی تبدیلیوں کےسبب برِ اعظم ایشیا سےجُڑا تھا۔ بعد ازاں مسکن کی محدودیت کےسبب وہ کسی اور حصےتک نہیں پہنچ پائی۔ جب کہ موجودہ مسکن پر کبھی بھی اس کی آبادی چند سو سےزائد نہیں رہی تھے۔